Azərbaycan II Liqasında 13-cü turun oyunları keçirilib.
“Göygöl” evdə “Şahdağ-Qusar”la qarşılaşıb.
Matç qusarlıların 4:0 hesablı qələbəsi ilə yekunlaşıb. Start fitindən etibarən ərazi üstünlüyünə yiyələnən qonaqlar 2-3 fürsəti boşa verib.
İlk qolu 27-ci dəqiqədə Mehdi Rəsulov vurub. Yarımsaatın tamamında Tural Qürbətov fərqi artırıb.
“Göygöl” fasilədən sonra “yuxu”dan ayılmağa cəhd göstərib, “Şahdağ”ın qapısı önündə təhlükəli vəziyyətlər yaradıb.
Imkanları dəyərləndirməyən ev sahibləri son 16 dəqiqədə oyunun “ip”ini tamamilə əldən verib. Tural cərimə meydançası daxilində 4 müdafiəçini aldadaraq, gözəl qola imza atıb.
"Bakı" və "Xəzər Lənkəran"ın sabiq forvardı 88-ci dəqiqədə het-trikini rəsmiləşdirib.
Buna kimi komandasının ən yaxşısı olan və bir neçə epizodda əla seyvlə yadda qalmış Nicat Əmirxanov bu dəfə onun cərimə zərbəsindən qapıya istiqamətləndirdiyi zərbənin tora qovuşmasına əngəl ola bilməyib.
Bəhram Şahquliyevin çalışdırdığı “Şahdağ” bu qələbə sayəsində turnir cədvəlində üçüncü pilləyə qalxıb. 22 xalda qalan “Göygöl” 6-cı sırada yer alıb.
SPORTİNFO.AZ
Göygöl OİK stadionu. 50 tamaşaçı Baş hakim: Rəşad Əhmədov Baş hakimin köməkçiləri: Şirmamed Mamedov, Rəhman Aslanov Dördüncü hakim: Mahmud Bağırzadə Hakim-inspektor: Zöhrab Qədiyev AFFA nümayəndəsi: İlham Əliyev Sarı vərəqələr: Cavid Abbasov, 59 (qeyri-idman hərəkəti) // İlqar Hüseynov, 50 (qeyri-idman hərəkəti); Rubin Seyidov, 80 (qeyri-idman hərəkəti) Qollar: Mehdi Rəsulov, 27; Tural Qurbatov, 30, 74, 88 Artırılan vaxt: I hissədə - yoxdur; II hissədə - yoxdur.
.jpg)
