Çili çempionatında mövsümün qalibi vaxtından əvvəl bəlli olub.
Sportinfo.az xarici KİV-ə istinadən xəbər verir ki, “Kolo-Kolo” komandası sona üç tur qalmış ölkə çempionluğunu rəsmiləşdirib.
Komanda “Nyublense” üzərində 2:1 hesablı qələbə qazanaraq qızıl medalları təmin edib.
Kabo-Verde millisinin DÇ-2026-da parlaq çıxışı ilə tanınan qapıçısı Vozinya da “Kolo-Kolo”nun heyətində çıxış edir. O, çempionluğu rəsmiləşdirən matçda da meydana çıxıb.
Oyunun son saniyələrində vacib seyvlə yadda qalan qolkiper bundan dərhal sonra final fitinin səslənməsinin şahidi olub. Beləliklə, “Kolo-Kolo” Çili çempionu adını qazanıb.
Vozinya cari mövsümdə Çili çempionatında 5 oyuna çıxıb, 4 qol buraxıb və bir matçda qapısını toxunulmaz saxlayıb. O, Kabo-Verde hüdudlarından kənarda ilk dəfə titul qazanıb.
