Çempionlar Liqasında böyük uğursuzluq yaşayaraq qrup sonuncusu olan "Qalatasaray" Türkiyə mediası tərəfindən kəskin tənqid edilir.
Sportinfo.az xəbər verir ki, türkiyəli həmkarlarımız Fatih Terimin bu komandada baş məşqçi olduğu bütün dövrlərin statistikasını aparıb və məlum olub ki, "Cim-Bom"un "İmperator"un rəhbərliyi altında Çempionar Liqasında ən zəif çıxışı məhz indikidir
Madrid "Real"ı, PSJ və "Brügge" ilə eyni qrupda yer alan "Qalatasaray" keçirdiyi 6 oyundan 4-də uduzub, ikisində isə heç-heçə oynayıb. Bu görüşlərdə qapısından 14 top buraxan Fatih Terimin komandası cəmi bir dəfə qol sevinci yaşayıb.