AÇ-2020-nin pley-offunda püşkatma - VAXTI BİLİNDİ

20 Noyabr 2019 18:02 AÇ-2020 468
AÇ-2020-nin pley-offunda püşkatma - VAXTI BİLİNDİ

AÇ-2020-nin pley-off mərhələsinin püşkatmasının vaxtı müəyyənləşib.

Sportinfo.az xəbər verir ki, final mərhələsinə Millətlər Liqasından yollanacaq son 4 yığmanı müəyyən edəcək 16 komandanın püşkatması noyabrın 22-də, Bakı vaxtilə saat 15:00-da keçiriləcək.

Tədbirdə əvvəlcə Bolqarıstan, Macarıstan, İsrail və Rumıniyanın rəqibləri bəlli olacaq. Bu 4 komandadan biri C yolunda Şotlandiya ilə üz-üzə gələcək. Digər üç komanda A yolunda mübarizə aparacaq. Onlardan ikisi öz aralarında, biri isə İslandiya ilə görüşəcək.

Püşkatmada final matçlarının meydan sahibləri də bəlli olacaq. Hansı cütün qalibinin evdə qüvvəsini sınayacağına püşk aydınlıq gətirəcək. Pley-offun yarımfinal görüşləri 2020-ci il martın 26-da, həlledici qarşılaşmaları 31-də baş tutacaq.

Xəbər Lenti