2024-cü ilin ilk rəsmi matçında «İrəvan»a səfərdə 2:1 hesabıyla qalib gəlmiş "İmişli" bu dəfə doğma rayonda "Difai Ağsu"nu qəbul edib.
Qarşılaşma ev sahiblərinin minimalhesablı qələbəsi ilə başa çatıb.
Bir neçə yüz tamaşaçının canlı izlədiyi görüş elə də baxımlı keçməyib. Sırf qazon amilinə görə.
Belə ki, yağışdan çıxmış meydança komandaların normal və sürətli oyun sərgiləməsinə mane olub. Tərəflər təhlükəli qol epizodları yaratmaqda çətinlik çəkib.
İlk belə azsaylı imkanı qonaqlar əldə edib. Nigeriyalı hücumçu Kristian Kamta yaxın məsafədən topu qapıçının üstünə vurub. Aran təmsilçisi isə Xaqani Sadıxovla fürsəti boşa verib.
Yeganə qolu 79-cu dəqiqədə Elnur Cəfərov vurub. Qış fasiləsində «Kəpəz»dən icarəyə götürülən «Xəzər Lənkəran»ın yetirməsi cərimə zərbəsini dəqiqliklə yerinə yetirib.
Deməliyik ki, baş hakim Kamran Əliyev mübahisəyə açıq bir neçə qərarla yadda qalıb. «Qarabağ»ın sabiq müdafiəçisi Səttar Əliyevin oğlu «Difai»yə antipatiya bəslədiyini matçından əvvəlindən bəri nümayiş etdirib.
Xallarını 26-ya yüksəldən "İmişli" turnir cədvəlinin 2-ci pilləsində qərarlaşıb. 7 xalı olan "Difai Ağsu" isə 9-cu yerdədir.
SPORTİNFO.AZ
H.Əliyev adına İmişli şəhər stadionu. 350 tamaşaçı Baş hakim: Kamran Əliyev Baş hakimin köməkçiləri: Elşad Abdullayev, Vüsal Məmmədov Dördüncü hakim: Namiq Bəkirov Hakim-inspektor: İmanxan Sultani AFFA nümayəndəsi: Elçin Mehtiyev Sarı vərəqələr: İbrahim Əliyev, 17 (qeyri-idman hərəkəti); Nihad Tamazov, 21 (qeyri-idman hərəkəti); Elnur Cəfərov, 57 (qeyri-idman hərəkəti) // Əbil Əbilov, 26 (qeyri-idman hərəkəti) Qol: Elnur Cəfərov, 79 Artırılan vaxt: I hissədə - 1 dəq.; II hissədə - 3 dəq.
“İmişli”
13. Mehman Hacıyev
3. Nodar Məmmədov
25. Elşən Abdullayev
(6. Nəbi Məmmədov, 90+2)
5. Nihad Tamazov
7. İbrahim Əliyev
(42. Elnur Cəfərov, 46)
8. Tolqar Yaqubov (k)
86. Xəqani Sadıxov
(27. Ruslan Hacıyev, 57)
9. Xəzər Mahmudov
(91. Hiqor Borges, 76)
23. Gilyerme Silva
44. Həzrət İsayev
30. Ezekiel Morqan
Ehtiyat oyunçular:
1. Mövlan Kərimov
29. Ayhan Arazlı
11. Maqsud Ələkbərov
14. Xəyyam Hüseynov
32. Rəhim Cəfərli Baş məşqçi: Əsgər Abdullayev