Xalq artisti Niyaməddin Musayev Bakıda fəaliyyət göstərən idman zallarından birində yayılan fotosundan danışıb.
Sportinfo.az xəbər verir ki, Niyaməddin Musayev teleqraf.com-a açıqlamasında hər gün idmanla məşğul olduğunu deyib:
“Hər gün idmanla məşğul oluram, həyatda idmandan gözəl nə var? Ölkəmizin idman zallarında çox gözəl şərait yaradılıb, idman etmək sağlamlıqdır.
Bədəni tərbiyləndirir ki, aşıb-daşmasın, harınlamasın. Mən hər gün idman zalına gedirəm.
Yoqa, üzgüçülük, yüngül atletika ilə məşğul oluram. Əzələləri möhkəmləndirmək üçün alətlərdən istifadə edirəm. Müəyyən yoqa hərəkətləri ilə məşğul oluram”.
Niyaməddin Musayevin 82 yaşı var.