Birləşmiş Ərəb Əmirliklərinin “Əl-Əyn” klubunun baş məşqçisi Sergey Rebrov Ukrayna yığmasını çalışdırmağa əsas namizəddir.
Sportinfo.az xəbər verir ki, bir müddət əvvəl yayılan məlumatda Andrey Şevçenkonun yerinə 3 namizədin olduğu bildirilirdi.
Amma Ukrayna Futbol Federasiyası hələ ki, bir namizədlə - Sergey Rebrovla danışıq aparır.
Onunla danışıqların nəticəsinin bu gün bəlli olacağı bildirilir. Rebrovun “Əl-Əyn”lə bağladığı müqavilədə göstərilir ki, əgər Ukrayna yığmasından təklif gələrsə, mütəxəssis kompensasiya ödəmədən ayrıla bilər.
Əgər Rebrovla razılıq əldə edilməsə, digər namizədlərlə danışıqlar başlayacaq.