![Avropanın tanınmış klubunda yeni baş məşqçi, 3 illik müqavilə - FOTO](https://www.sportinfo.az/media/2024/05/29/gowu6cyweaa2auk_11716996450.jpg)
"Bavariya"nın yeni baş məşqçisinin adına aydınlıq gəlib.
Sportinfo.az xəbər verir ki, Münhen təmsilçisini Vensan Kompani çalışdıracaq.
Bu barədə klubun mətbuat xidməti məlumat yayıb.
Belçikalı mütəxəssislə 2027-ci ilin yayına kimi nəzərdə tutulan müqavilə imzalanıb. "Bavariya" 38 yaşlı məşqçi üçün onun klubu "Börnli"yə təzminat ödəyib.
Belçikalı mütəxəssis istefaya göndərilən Tomas Tuheli əvəzləyib.
V.Kompani 2022-ci ildən “Bernli”ni çalışdırıb. Onun rəhbərliyi altında komanda 24 xal toplayaraq İngiltərə Premyer Liqasının son 2023/2024 mövsümünün sonunda 19-cu yeri tutaraq, aşağı liqaya düşüb.