“Hədəfimiz qrupda birinci yeri tutmaqdır”.
Sportinfo.az” xəbər verir ki, bunu “Bayer 04”in (Almaniya) baş direktoru Fernando Karro Avropa Liqasının püşkatmasını dəyərləndirərkən deyib.
Fransanın Monako şəhərində təşkil edilən püşkü canlı izləyən funksioner ötən mövsüm bu turnirdə yarımfinala qədər irəlilədiklərini xatırladıb:
“Ötən mövsümdəki yarımfinalın eyforiyası bizi daha çoxunu istəməyə vadar edir. Yenidən turnirdə irəliləməliyik”.
“Bayer 04”ün H qrupundakı rəqibləri Azərbaycan çempionu “Qarabağ”, həmçinin “Hakken” (İsveç) və “Molde” (Norveç) klublarıdı.
