“Bavariya”nın ulduzu Sadio Manenin “Əl-Nəsr”ə keçidi rəsmiləşib.
Sportinfo.az xəbər verir ki, bu barədə Səudiyyə Ərəbistanı klubunun tviter səhifəsi məlumat yayıb.
Almaniya mətbuatı “Əl-Nəsr”in Mane üçün Münhen klubuna 40 milyon avro ödəyəcəyini yazıb.
“Əl-Nəsr”də Kriştiano Ronaldo, Anderson Talişka, Marselo Brozoviç, Aleks Telles, Seko Fofana kimi oyunçular da çıxış edir.
Mane 2022/23 mövsümündə 38 matçda iştirak edib, 12 qol vurub və 6 qolun ötürməsini verib.
