.jpg)
Avropa Liqasının qrup mərhələsinin ilk turunda "Qarabağ"ı qəbul edəcək "Frayburq"da zədəli futbolçuların durumuna tam aydınlıq gəlib.
Sportinfo.az xəbər verir ki, Bundesliqada V turun "Bayer"lə səfər qarşılaşmasında (3:2) sifətindən ağır zədə alan Roland Şallainin ən azı 2 matçda meydana çıxmayacağı dəqiqləşib.
Həmin görüşdə topuğundan zədələnən Manuel Quldenin və zədəsini yenicə sağaldan Daniel-Kofi Kyereh vəziyyəti isə normaldır.
Almaniyalı müdafiəçi ilə qanalı hücumameylli yarımmüdafiəçi sentyabrın 8-də Azərbaycan çempionu ilə oyunda iştirak edə bilər.
"Europa-Park" stadionunda təşkil olunacaq "Frayburq" - "Qarabağ" matçı Bakı vaxtı ilə saat 23:00-da başlanacaq.
.jpg)
