"Bavariya"nın idman direktoru Hasan Salihamidziç "Mançester Yunayted"in hücumçusu Kriştiano Ronaldonun "Bavariya"ya keçəcəyi ilə bağlı xəbərlər haqda danışıb.
Sportinfo.az xəbər verir ki, klub funksioneri portuqaliyalı ulduzun gündəmlərində olmadığını deyib:
"Kriştiano Ronaldonun karyerasına və etdiklərinə çox böyük hörmətlə yanaşıram. Amma biz onu transfer etməyəcəyik".
Qeyd edək ki, Kriştiano Ronaldo "Mançester Yunayted"dən ayrılmaq istəyir. Onun "qırmızı şeytanlar"la müqaviləsi 2023-cü ilin yayına kimidir.