Yeni mövsümdə Premyer Liqada mübarizə aparacaq "Nottingem Forest" heyətini yeni futbolçu ilə gücləndirib.
Sportinfo.az xəbər verir ki, İngiltərə klubu "Bavariya"dan Omar Riçardsı transfer edib.
24 yaşlı son cinah müdafiəçisi ilə 2026-cı ilin yayına kimi nəzərdə tutulan müqavilə imzalanıb. "Nottingem Forest" ingiltərəli futbolçu üçün Münhen təmsilçisinə 10 miyon avro ödəyib.
Omar Riçard "Bavariya"ya 2021-ci ilin yayında "Ridinq"dən transfer olunmuşdu.
Müdafiəçi son mövsümdə Bundesliqa klubunun heyətində meydana çıxdığı 17 rəsmi matçda 1 qol ötürməsi ilə yadda qalıb.