"Bavariya" rəhbərliyi komandanın futbolçusu Robert Levandovski ilə bağlı mövqeyini dəyişib
Sportinfo.az xəbər verir ki, Münhen təmsilçisi 33 yaşlı hücumçunu satmağa hazırdır.
Bildirilib ki, “Bavariya” polşalı oyunçunu komandada saxlamaq niyyətində deyil və onun üçün 60 milyon avro tələb edir.
Levandovski ilə "Barselona" və PSJ-nin maraqlandığı bildirilir
Mayın sonunda Levandovski “Bavariya”dakı vaxtının başa çatdığını açıqlamışdı. Ancaq klub rəsmiləri oyunçu ilə yolları ayırmaq istəmədiklərini söyləmişdi.