II Liqada debüt mövsümünü keçirən «Hypers»in yeni baş məşqçisi müəyyənləşib.
Quba təmsilçisini mövsümün ikinci yarısında Elvin Həsənov çalışdıracaq.
Bura qədər «Sabah»ın U-16 komandasının sükanı arxasında dayanmış mütəxəssislə 5 ay+1 illik müqavilə imzalanıb.
Onun əsas köməkçisi isə Cavid İmamverdiyev olacaq. «Neftçi»nin yetirməsi olan yarımmüdafiəçi oynayan məşqçi funksiyasını yerinə yetirəcək.
Elvin Həsənov və Cavid İmamverdiyev başqa bir qərar də verib - birgə çalışdıqları «Sabah»dan ayrılıblar.
Çempionatın geridə qalan hissəsində 14 qola imza atan İmamverdiyev artıq bütün fikrini «Hypers»ə vermək üçün əsas iş yerini tərk edib.
SPORTİNFO.AZ
