.jpg)
Məlum olduğu kimi, “Ağsu” birinci diviziondan uzaqlaşdırılıb.
I Divizion klubunun rəhbərliyi danışılmış oyunlarda iştiraka görə komandadan uzaqlaşdırılan şəxslərin çoxluq təşkil etdiyini və bu səbəbdən ikinci dövrədə oynamamaq qərarına gəldiklərini yazılı şəkildə bildirib.
Vəziyyəti nəzərə alan PFL “Ağsu”nu birinci diviziondan kənarlaşdırmağı qərara alıb. Aranlılar çempionatın yarısında iştirak etdiyinə görə qarşıdan gələn oyunlarda 0:3 hesablı texniki məğlubiyyət alacaq.
Heyətdə yer alan oyunçular isə sərbəst futbolçu statusuna malikdir. Beləliklə, divizionda iştirakçıların sayı 12-yə düşüb.
Sportinfo.az-ın məlumatına görə, komandanın fəaliyyətini dayandırması “AzQranata“nın qərarıdır. Ümumiyyətlə, şirkət futbolla əlaqələrini birdəfəlik kəsib.
Amma bu o demək deyil ki, klub tam fəaliyyətini dayandıracaq. “Ağsu“nun aşağı yaş qrupları üzrə komandaları iyunadək fəaliyyət göstərəcək. Yayda isə klubun yenidən təşkilatlanması və rəhbərliyə yeni şəxslərin gətirilməsi planlaşdırılır.
