Birinci liqanın 2-ci turunun “İrəvan”la səfər matçında “Karvan” dəstəksiz qalmadı.
Bərabərliklə bitən matçda (0:0) Yevlaxdan gələn az sayda tərəfdar sevimli komandasını 90 dəqiqə qələbəyə səslədi.
Onların arasında bir nəfər xüsusi diqqət cəlb edirdi.
Söhbət qaradərili bir nəfərdən gedir.
Amma maraqlananda başqa faktla üz-üzə qaldıq.
Sən demə, aktiv fanatlarla yan-yana əyləşən Qabondan olan müdafiəçidir.
O, bölgə klubunda baxışdadır.
Ondo Vensliy Makkaaşın sənədlərində gecikmə var.
Əgər qısa müddətdə problem həllini tapsa yeni transferi növbəti tur meydanda görə bilərik.
20 yaşlı futbolçu ölkəsinin aşağı yaş qrup millilərində də oynayıb.
XANOĞLAN / SPORTİNFO.AZ
