Bölgə futbolu deyəndə, ilk ağıla gələn rayonlardan biri də Tovuzdur. Amma neçə illərdi adıçəkilən bölgənin təmsilçisi Premyer Liqada yoxdur.
Bunun müxtəlif səbəbləri var. Biri də odur ki, kluba sponsorluq etmək istəyən yoxdur. Amma son dönəmlər bəzi iddialar var. Ki, bir neçə iş adamı "Turan Tovuz"u himayəsinə götürməyə cəhd edib.
Amma hazırkı AFFA rəhbərliyini irəli sürdüyü şərtlər onları razı salmayınca, geri addım atmağa məcbur olublar.
Məsələnin həqiqətini bilmək üçün bölgə klubunun icraçı direktoru Nadir Nəbiyevlə əlaqə saxladıq.
Klub rəsmisi Sportinfo.az-a açıqlamasında səslənən iddialara belə reaksiya verib:
"Mənim bu məsələ barədə heç bir məlumatım yoxdur. Mənə heç kim heç nə deməyib. Ümumiyyətlə, belə bir şey eşitməmişəm. Ki, kimsə komandaya yardım eləsin və ya sponsorluq etmək üçün kluba hər hansı müraciət olunsun".
Xanoğlan İmanov