.jpg)
«Zirə»ni nəticə maraqlandırır. Mövsümboyu 3 «cəbhə»də vuruşublar.
Premyer Liqa və ölkə kubokundakı rəqiblər bir yana, hakimlərlə mübarizə onları çox əldən salıb.
Ehtiyat skamya, elə bil, sadəcə, yaraşıq üçündür. Əvəzetmədən meydana daxil olub, oyunu çevirəcək, komandanı öz arxasınca apara biləcək bir futbolçusu yoxdur Rəşad Sadıqovun.
O da var ki, «Zirə» medalçılar yarışmasında yer alan və ya yer almaq istəyən rəqiblərə qarşı bir, başqalarına qarşı fərqli taktika seçir.
Nə fobiyadır bilinmir, amma ki, «Zirə»nin standartları dəyişkəndir.
Suraxanıda keçirilən dünənki oyunu götürək. «Beşli» müdafiə düzülüşü ilə qapının toxunulmazlığı qayğısına qalan qonaqlar son dəqiqədə Rahil Məmmədovu da oyuna almaqla öz məqsədini birmənalı nümayiş etdirdi.
1 xalı qələbə hesabına bərabər görən «Zirə»ni yalnız onu fikirləşdi ki, nə edir edim, birinci zonada səliqəmi qoruyum, diqqətimi itirməyim, «Sabah»la xal fərqi 3-ə enməsin.
İkiqat müdafiə xətti ilə «Qarabağ»ı meydanın özünə aid hissəsində qarşılayan qonaqların ən yaxşısı Anar Nəzirov idi.
Sezon ərzində Mehdi Cənnətovu ehtiyat skamydan izləmiş qapıçı «1 nömrə» adına iddiasını bir neçə epizodda komandasını real qoldan xilas eləməklə göstərdi.
KAMİL
.jpg)
