“Hər iki çempionat gərgin keçir və hər ikisində maraqlı futbolçular var“.
Bu sözləri Sportinfo.az-a açıqlamasında “Zirə“nin fransalı legioneri Hamidu Keyta deyib.
2019-2021-ci illər aralığında “Botoşani”nin formasını geyinmiş hücumçu Rumıniya və Azərbaycan birinciliklərini müqayisə edib:
“Çempionatlar arasında elə də ciddi fərq görmürəm. Əsas fərq odur ki, Azərbaycanda güc futboluna üstünlük verilir,
Rumıniyada taktikaya daha çox diqqət ayırırlar. İndi isə Premyer Liqaya uyğunlaşdığımı deyə bilərəm“.