Premyer Liqanın 24-cü turunda «Sumqayıt»ın qonağı olan «Zirə» çətin qələbə qazandı.
Davit Volkovun 90+2-ci dəqiqədə vurduğu yeganə qol qəsəbə təmsilçisinə 3 xal gətirdi.
Bu səfər zəfəri «qartallar»ı avrokuboklara bir qədər də yaxınlaşdırdı. Xal ehtiyatını 42-yə çatdıran zirəlilər turnir cədvəlinin 3-cü pilləsində möhkəmləndi.
Təbii ki, uğurlu çıxış klub rəhbərliyinin diqqətindən kənarda qalmayıb. Sumqayıtda meydana çıxan futbolçuların hər birinə 1500 manat mükafat ödənilib.
SPORTİNFO.AZ
