Azərbaycan Premyer Liqasında VI tura start verilib.
Sportinfo.az xəbər verir ki, turun açılış oyununda "Zirə" klubu "Sumqayıt"ı qəbul edib.
Zirə İdman Kompleksinin stadionunda keçirilən görüş meydan sahiblərinin 1:0 hesablı qələbəsi ilə başa çatıb. Qarşılaşmada yeganə qolu 14-cü dəqiqədə "qartallar"ın belçikalı yarımmüdafiəçisi Loris Bronyo vurub.
Bu qələbədən sonra xallarını 11-ə çatdıran "Zirə" 3-cü pilləyə yüksəlib. "Sumqayıt" isə 7 xalla 5-ci sırada qalıb.