Türkiyə Super Liqasına vəsiqə qazanan "Ərzurumspor"la müqaviləsi başa çatan İbrahim Şehiç komandadan ayrılıb.
Sportinfo.az xəbər verir ki, bosniyalı qapıçı Super Liqaya yüksələn digər klubla – Qurban Qurbanovun sükanı arxasına keçməkdən imtina etdiyi "Hatayspor"la anlaşıb.
Şehiç ötən mövsüm keçirdiyi 34 oyunda 26 top buraxıb, 16 görüşdə isə qapısını toxunulmaz saxlayıb.
31 yaşlı kiper 2013-2018-ci illərdə "Qarabağ"da çıxış edib. O, Ağdam klubundan ayrıldıqdan sonra "Ərzurumspor"a keçmişdi.
