.jpg)
Azərbaycan millisinin qarşıdakı oyunlar üçün iştirak ərizəsi açıqlanıb.
Müvəqqəti baş məşqçi Arif Əsədov toplanışa 24-ü əsas, 4-ü ehtiyat heyətin üzvü olmaqla ümumilikdə 28 futbolçunu dəvət edib.
Adlara nəzər salan 5 nəfərin yoxluğu diqqət çəkməyə bilməz. Bunlar Mahir Emreli, Anton Krivotsyuk, Cəlal Hüseynov, Emil Səfərov və Nəriman Axundzadədir.
Əslində, 3-ü legioner olmaqla bu 5 futbolçunun adı Əsədovun siyahısında olub. Mahirlə Antonun zədəli olmaları və zədədən yeni qayıtmaları baş məşqçinin hər ikisindən imtinasına səbəb olub.
Gənclər – Emil, Nəriman və Cəlalın U-21-in düşərgəsində yer alması məqsədəuyğun sayılıb.
Samir Əliyevin çalışdırdığı kollektiviAVRO-2025-in seçmə mərhələsində qrupun favoritləri İngiltərə və Ukrayna ilə qarşılaşacaq ki, aparıcı simaların U-21-ə kömək etməsi qərara alınıb.
Azərbaycan millisinin FIFA tərəfindən ilk dəfə Bakıda təşkil olunacaq “FIFA series – Edition 2024” layihəsi çərçivəsində martın 22-də Monqolustan, 25-də isə Bolqarıstanla qarşılaşacaq.
Tofiq Bəhramov adına Respublika stadionunda keçiriləcək hər iki görüş saat 20:00-da başlayacaq.
HƏBİB / SPORTİNFO.AZ
.png)
