"Beşiktaş" müdafiə xəttini yeni oyunçu ilə gücləndirmək istəyir.
Sportinfo.az xəbər verir ki, İstanbul təmsilçisi "Barselona"da çıxış edən Mikayil Fayeni transfer etmək istəyir.
Bu barədə "Sabah" nəşri məlumat yayıb.
"Qara qartallar"ın baş məşqçisi Covanni van Bronkhorst seneqallı mərkəz müdafiəçisini komandasında görəm istəyir. "Beşiktaş" 20 yaşlı futbolçu üçün ispaniya klubuna təklif göndərəcək.
"Barselona" Mikayil Fayeni ötən ilin yayında Xorvatiyanın "Kustosija" klubundan transfer edib.
Seneqal millisinin üzvü Kataloniya təmsilçisinin B komandasında çıxış edib. Gənc oyunçu bu il artıq əsas komandaya cəlb olunub.
