Ölkə kubokunun yarımfinal mərhələsinin ilk oyunları çərçivəsində “Neftçi”ni məğlub edən “Turan Tovuz”da hələ ki, üzlər gülür.
Qərb təmsilçisi bütün cəhətlərdə özündən qat-qat üstün olan rəqibi 1:0 məğlub etdiyinə görə hər kəsin əhvalı yaxşıdır.
Lakin bu sözlər “Sabah”la oyuna qədər keçərlidir.
İş burasındadır ki, Premyer Liqanın 31-ci turunda baş tutacaq “Turan Tovuz” – “Sabah” matçına meydan sahibləri itkilərlə çıxacaq.
Komandanın əsas fiqurları – Tərlan Quliyevlə Kamal Quliyev, həmçinin Piruzi Marakvelidze ötən tur “Kəpəz”lə qarşılaşmada aldıqları qırmızı vərəqəyə görə cəzalı duruma düşüblər.
Adları çəkilənlərin hamısı oyunu kənardan izləmək məcburiyyətindədir.
Aprelin 21-də keçiriləcək “Turan Tovuz” - “Sabah” matçı saat 16:00-da başlayacaq.
HƏBİB / SPORTİNFO.AZ
