“Azərbaycan futbolunda “Azersun Holdinq”in “Qarabağ”a sponsorluğu kimi müsbət nümunə var“.
Bu sözlər “Turan Tovuz“un yeni sponsoru olan Ehtiram Quliyevə məxsusdur.
Fevralda Premyer Liqanın debütantı ilə uzunmüddətli sponsorluq müqaviləsi imzalayan şirkətin sahibi nəyə ümid etdiklərini açıqlayıb:
“Qarabağ“ın müsbət nümunəsinə baxıb, dörd il yarımlıq müqavilə imzaladıq. Keçici layihə olaraq baxmadıq.
Uzunmüddətli yanaşmamızın olacağını istəyirik. Baş məşqçi, klub rəhbərliyi ilə müzakirələrimizdə hər şey uzun müddətə hesablanıb.
Köklü həllərə ehtiyacımız var. “Qarabağ” kimi gözəl nümunə var. O da uzunmüddətli planın nəticəsidir. Əlimizdən gələni edəcəyik ki, ardı gəlsin“.
SPORTİNFO.AZ
