Debütant Panama yığmasının müdafiəçisini hansı məbləğə razı salıb?

23 Mart 2023 23:40 Turan 902
Debütant Panama yığmasının müdafiəçisini hansı məbləğə razı salıb?

"Turan Tovuz" Roderik Millerlə müqavilənin şərtlərini açıqlayıb.

Panamalı müdafiəçi ilə 3 ay + 1 il müddətində rəsmi müqavilə bağlanıb.

Mövsümün sonunda onun çıxışı məşqçilər korpusunu razı salarsa, sözləşmənin 1 illik növbəti hissəsi qüvvəyə minəcək.

“San Fransisko”nun yetirməsi olan Roderik Miller karyerası ərzində Meksikanın “Merida”, Kolumbiyanın “Atletiko”, Portuqaliyanın “Feyrense”,Qazaxıstanın “Okjetpes”, Perunun “Karlos Stein”, İraqın “Al Kuva” və “Al Mina” klublarının formasını geyinib.

30 yaşlı mərkəz müdafiəçi Panamanın əsas millisində 30 oyun keçirib və 1 qol vurub. O, “Al Mina”dan azad agent statusu ilə gəlib.

Maliyyə problemləri ilə üzləşən İraq təmsilçisi yanvarda bütün legionerlərini sərbəst buraxıb.

Miller oyun praktikasının azlığtından əziyyət çəkdiyindən, hazırda fiziki cəhətdən hazır durumda deyil.

Arxa xətt oyunçusu formada olmamasının fərqindədir, odur ki, İraqda qazandığı puldan xeyli aşağı məbləğə Azərbaycana gəlməyə razılıq verib. onun burada 3 aylıq gəliri üst-üstə 15 min dolları ötməyəcək.

Gələn mövsüm isə bu məbləğ 2-2,5 dəfə arta bilər.

SPORTİNFO.AZ

Xəbər Lenti
12 Aprel 19:50 Çək və bizə göndər!
12 Aprel 07:30 Bu məhsullar bahalaşıb