.jpg)
Tovuz şəhər stadionunun qazonu dəyişdiriləcək.
Bu barədə Sportinfo.az-a «Turan Tovuz»dan bildirilib.
Redaksiyamıza verilən məlumata görə, süni meydançanın təbi ot örtüyü ilə əvəzlənməsi klubun yeni planlarına daxil edilib.
«Turan»ı himayəsinə götürən şirkətin təsisçisi Ehtiram Quliyevə qazonun durumu ilə bağlı məlumat verilib.
İş adamının diqqətinə çatdırılıb ki, süni meydança ötən ilin yayında salınıb, ancaq keyfiyyət yüksək olmadığından, futbolçular tez-tez zədələnir.
Problemləri dinləyən iş adamı qazonun dəyişdirilməsinə vəsait ayrılmasını tapşırıb. Yeniliyin bu yay, ən uzağı, gələn mövsümün axırında icra olunması gözlənilir.
