.jpg)
“Bizim üçün budəfəki dünya çempionatı yenilikdir. Çünki ilk dəfə qışda baş tutacaq“.
Bu sözləri Sportinfo.az-a açıqlamasında "Turan Tovuz"un baş məşqçisi Ayxan Abbasov deyib.
Bu gün Qətərdə start götürəcək dünya çempionatı ilə bağlı düşüncələrini bölüşən mütəxəssis bir neçə komandanı favorit göstərib:
"Çempionat hər zaman yayda, çempionatlar başa çatandan sonra keçirilirdi. Bu da bir yenilikdir.
Favorit adı çəkmək çətindir. Burada surprizlər olur. Güclü komandalar çoxdur.
İstəyərdim ki, Avropa yığmalarından - Almaniya, Fransa və İspaniyadan biri qalib olsun. Amma Cənubi Amerikadan Argentina və Braziliyanı unutmaq olmaz.
Bir də son illər yaxşı oyunu ilə yadda qalan Xorvatiya kimi yığmalar var".
