Azərbaycan 20-ci lisenziyanı qazandı - Tokio Yay Paralimpiya Oyunlarına

24 İyun 12:00 Tokio-2020 288
Azərbaycan 20-ci lisenziyanı qazandı - Tokio Yay Paralimpiya Oyunlarına

Birləşmiş Ərəb Əmirliklərinin (BƏƏ) Dubay şəhərində keçirilən Dünya kubokunda Azərbaycan pauerliftinqçisi Şamo Aslanov gümüş medal qazanıb.

Milli Paralimpiya Komitəsindən Sportinfo.az-a verilən məlumata görə, 107 kq çəki dərəcəsindəki idmançı 223 kq nəticə göstərib.

Reytinq xalları qazandıran əvvəlki yarışlarda da yüksək nəticə əldə etmiş Aslanov Tokio-2020 Yay Paralimpiya Oyunlarında Azərbaycanı təmsil edəcək.

İndiyədək Azərbaycan paralimpiyaçıları Tokio-2020-yə 20 lisenziya qazanıb. Onlardan 8-i atletika, 4-ü para-taekvando, 3-ü üzgüçülük, 3-ü pauerliftinq və 2-si güllə atıcılığı növündədir.

Xəbər Lenti
24 İyul 20:40 "Bir qədər pis oldum"
24 İyul 17:55 Vaxtdır, Cavid!