Bu gün Azərbaycan Premyer Liqasında 2020/21 mövsümü start götürür.
Sportinfo.az xəbər verir ki, turun, eləcə də mövsümün açılış oyunu Sumqayıtda keçiriləcək.
Avropa Liqasında Azərbaycanı təmsil edəcək “Sumqayıt”la “Keşlə” avrokubok görüşü öncəsi bir-birilərini sınağa çəkəcəklər. Yay fasiləsində heyətində ciddi dəyişikliklərə əl atan komandaların avrokuboka hazır olub-olmadığı məhz bu matçda müəyyənləşəcək.
“Keşlə” meydana yeni baş məşqçinin rəhbərliyi altında çıxacaq. Paytaxt klubunda debüt edəcək Yunis Hüseynov uzun fasilədən sonra elita oyununda texniki zonada olacaq. Maliyyə sarıdan zəifləyən “Sumqayıt” bu matçıın hazıırlığını başa vurub.
