"Sumqayıt"ın növbəti transfer çalışması iflasa uğrayıb.
Sportinfo.az-n məlumatına görə, "kimyaçılar"ın Rusiya və Almaniyadan futbolçuları Azərbaycana gətirmək cəhdi nəticə verməyib.
Belə ki, qonşu ölkənin aşağı liqalarıında çıxış edən həmyerlilərimiz tarixi vətənlərinə dönmək təklifini geri çevirib. Almaniyadan olan türk əsilli oyunçular isə "gənclik şəhəri" təmsilçisi ilə maliyyə şərtlərində ortaq məxrəcə gəlməyib.
Avropa Liqasında debüt edəcək komandaya bu yay cəmi 5 futbolçu gətirmək mümkün olub: Tellur Mütəllimov ("Zirə"), Elvin Məmmədov, Kərəm Sultanov ("Kaspi", Qazaxıstan), Eltun Turabov ("Sabah": icarəyə), Əli Qurbani ("Sepahan", İran).
