"Uzun müddətdir bu oyunçunu izləyirik".
Sportinfo.az xəbər verir ki, "Sumqayıt"ın baş məşqçisi Ayxan Abbasov sports.kz-a açıqlamasında Kərəm Sultanovun transferindən danışıb.
Qazaxıstan Premyer Liqasında 24 oyun keçirən, U-21 yığmasının sabiq üzvü olan 24 yaşlı mərkəz müdafiəçisi yaxın günlərdə Azərbaycana gələrək, "kimyaçılar"la müqavilə bağlamalıdır.
Cari ilin əvvəlində "Kaspi"yə gələn, lakin yeni klubunda forma şansı qazanmadığından, buradan ayrılmaq qərarı verən Kərəm "Sumqayıt"la 2 illik kontrakt imzalayacaq.
Abbasov onu həmin vaxtdan diqqət mərkəzində saxladıqlarını bildirib: "Sultanovla hələ qışda müqavilə imzalamaq istəyirdik. Onda klubuyla müqaviləsi olduğundan, bu keçid alınmadı. Yəqin ki, yaxın vaxtlarda - bir həftə ərzində müqavilə bağlayacağıq".