"Qarabağ"ın yeni transferi Uroş Matiç instaqram səhifəsi vasitəsilə keçidini bir daha bəyan edib.
Sportinfo.az xəbər verir ki, serbiyalı yarımmüdafiəçinin paylaşımına qardaşı - "Mançester Yunayted"in futbolçusu Nemanya Matiç də reaksiya bildirib.
Uroşun "Yeni hissə, "Qarabağ". Səmimi qəbul üçün təşəkkür edirəm", yazısına rəy bildirən məşhur futbolçu ona uğurlar arzulayıb: "Uğurlar, qardaş". Nemanya özü də bununla bağlı ayrıca paylaşım edərək, qardaşını təbrik edib.
"Kopenhagen"dən transfer edilən Uroş Matiç "Qarabağ"la 2+1 illik müqavilə bağlayıb. 30 yaşlı yarımmüdafiəçi Ağdam klubunda 8 nömrəli formada çıxış edəcək.