«Sumqayıt»ın avrokuboklara vəsiqə qazanması bu komandanın futbolçularına marağı bir qədər də artırıb.
Ayxan Abbasovun rəhbərliyi altında tarixinin ən böyük uğuruna imza atan «kimyaçılar»ın əksər oyunçuları digər Premyer Liqa təmsilçilərindən təkliflər almaqdadır.
Bu dəfə Vüqar Mustafayev də diqqət mərkəzinə düşüb. 1 il öncə «Zirə»dən gələn yarımmüdafiəçi «Keşlə» ilə «Səbail»in hədəfindədir. Həmçinin «Qəbələ» də «Bakı»nın yetirməsinə özünün transfer siyahısında yer edib.
Düzdür, «Sumqayıt» Mustafayevlə müqaviləni yeniləmək fikrindədir, ancaq ona əvvəlkindən az maaş təklif olunur. Yeni təkliflərin oliması Vüqarın buradan ayrılmaq ehtimalını artırır.
SPORTİNFO.AZ