Tarixində ilk dəfə Avropa Liqasına vəsiqə qazanan «Sumqayıt» hələlik heyətini gücləndirməyə başlayıb.
Hazırda əks proses gedir.
Futbolçular bir-birinin ardınca düşərgə ilə vidalaşır. Növbəti belə oyunçu Mehdi Şərifidir. Ötən yay «Perspolis»dən gələn yarımmüdafiəçi ilə müqaviləyə vaxtından əvvəl xitam verilib.
Mehdi xanımının təkidi ilə hələ 1 il qalan sözləşməsinə son qoyub. Belə ki, ABŞ vətəndaşı olan həyat yoldaşı artıq Azərbaycanda yaşamaq istəmədiyini deyib, o da bu xahişlə klub rəhbərliyinə müraciət edib və müsbət cavab alıb.
İranlı legioner hazırda Bakıdadır və geri qayıtmalarına yardımçı olmaları üçün ölkəsinin Azərbaycandakı səfirliyinə müraciət ünvanlayıb.
SPORTİNFO.AZ