"Məşqlərə yeni başlamışdıq. Düşünürdük ki, oyunlara kimi ən azı 50-60% hazır olub oynayarıq.
Altı və bazar günlərinə qadağa qoyulmasından sonra isə hazır olmaq heç cür mümkün deyil"
Bu fikirləri Sportinfo.az-a açıqlamasında "Sumqayıt"ın kapitanı Vurğun Hüseynov deyib.
Müdafiəçi hazırkı durumda çempionatın ləğvini daha düzgün qərar hesab edir: "Mənim fikrimcə artıq çempionatı ləğv etməyin vaxtıdır.
Çünki bundan sonra hazırlaşıb, ancaq yeni çempionata kimi hazır olmaq və formaya düşüb oyunlara çıxmaq mümkündür. Üç aydan sonra qısa müddət məşq edib oyuna çıxmaq mümkün deyil.
Bəlkə başqaları düşünər ki, "Sumqayıt" 4-cü yerdədir deyə, Vurğun belə danışır. Amma elə deyil. 7-ci yerdə olsaydıq da, belə deyərdim. Ona görə ki, hər birimizin sağlamlığı və zədə almaması hər şeydən üstündür".