Azərbaycan Premyer Liqasında 20 tur artıq arxada qalıb.
Sportinfo.az xəbər verir ki, geridə qalan turlar ərzində "Sumqayıt" 6 limitə uyğun gələn futbolçunun xidmətindən istifadə edib.
Ümumilikdə götürsək, arxada qalan iki dövrədə "Sumqayıt"ın heyətində Premyer Liqa oyunlarında ən azı 2 limit futbolçu meydanda olub. Bu futbolçulardan ən çox oyun keçirən Elvin Cəfərquliyevdir.
Cinah oyunçusu 17 matçda 1332 dəqiqə meydanda olub. 2 qol və 2 məhsuldar ötürmə edən Cəfərquliyevi 1 oyun az keçirən Süleyman Əhmədov izləyir.
16 oyunda 969 dəqiqə meydanda olan Süleyman 1 məhsuldar ötürmə də edib. Bundan başqa, Səbuhi Abdullazadə 12, Rüfət Abdullazadə 4, Murad Xaçayev 2, Nəbi Məmmədov isə 1 oyunda meydanda olub.
1. Elvin Cəfərquliyev - 26.10.2000-ci il / 17 oyun (1332 dəqiqə) - 2 qol, 2 assist.
2. Süleyman Əhmədov - 25.11.1999-cu il / 16 oyun (969 dəqiqə) – 1 assist.
3. Səbuhi Abdullazadə - 18.12.2001-ci il / 12 oyun (720 dəqiqə).
4. Rüfət Abdullazadə - 17.01.2001-ci il / 4 oyun (66 dəqiqə).
5. Murad Xaçayev - 14.04.1998-ci il / 2 oyun (172 dəqiqə).
6. Nəbi Məmmədov – 20.08.1999-cu il / 1 oyun (2 dəqiqə).