“Evdə qal, sağlam qal” çağırışına futbolçulardan da dəstək gəlib. Həm də “Sumqayıt”ın yarımmüdafiəçisi Vüqar Mustafayev bunu daha orijinal üsulla edib.
Sportinfo.az xəbər verir ki, AFFA İcraiyyə Komitəsinin icraçı vitse-prezidenti və baş katibi Elxan Məmmədovun başlatdığı, klub rəhbərlərinin dəstək verdiyi aksiyanı Vüqar rəngarəng edib.
Rəsmilər top çiləməklə dəstək nümayiş etdirirdisə, Mustafayev aftafadan istifadə edib. Bəlkə də futbolçunun addımı daha məqbuldu. Çünki dünya ulduzları bunu tualet kağızı çiləməklə edir, Vüqar da daha yaxın vasitəni məqbul bilib.
