"Sumqayıt"ın Antalya toplanışı çərçivəsində növbəti rəqibi müəyyənləşib.
Sportinfo.az xəbər verir ki, bu, Rumıniyanın "Politexnika" klubudur. Məlumatı yerli mətbuat yayıb. Yassı təmsilçisi ilə matçın yanvarın 18-də keçiriləcəyi bildirilir.
Rumıniyanın yüksək liqasında mübarizə aparan "Politexnika" 22 turdan sonra 22 xalla 14 komanda arasında 11-ci pillədə qərarlaşıb.
Xatırladaq ki, “Sumqayıt” hazırlıq müddətində “Ximki” (Rusiya) və “Arka” (Polşa) ilə də yoxlama oyunu keçirəcək.