“Sumqayıt” “Qarabağ”la oyunun hazırlıqlarını başa vurmaq üzrədir. Sportinfo.az xəbər verir ki, Ayxan Abbasovun komandası “Kapital Bank Arena”nın ehtiyat meydançasında növbəti məşqə çıxıb.
İlk hissəsi fiziki çalışmalarla keçən məşqdə daha sonra topla müxtəlif hərəkətlər üzərində hazırlıqlar davam edib. 1,5 saat davam edən məşqə ikitərəfli oyunla yekun vurulub.
“Sumqayıt” – “Qarabağ” qarşılaşması 22 noyabr, saat 19:00-da “Kapital Bank Arena”da keçiriləcək. Matç “CBC Sport“ telekanalı ilə canlı yayımlanacaq.