"Çempionatda yaranmış fasilədən istifadə edib, yoxlama oyunu keçirdik".
Sportinfo.az xəbər verir ki, bu sözləri "Sumqayıt"ın baş məşqçisi Ayxan Abbasov "Zirə" ilə yoxlama oyunundan sonra deyib. Qolsuz heç-heçəni şərh edən mütəxəssis bunları söyləyib:
"Liqada az şans verdiyimiz futbolçuları da iş başında görmək istəyirdik. Gələn həftə də bizi "Qarabağ"la çətin oyun gözləyir. Həftə ərzində yaxşı məşq edərək, qarşılaşmaya tam hazır olmağa çalışacağıq".