2023/24 mövsümü üçün hazırlıqlarını Türkiyənin Ərzurum şəhərində davam etdirən "Sumqayıt" qardaş ölkədə son yoxlama oyununu keçirib.
Sportinfo.az xəbər verir ki, Samir Abasovun komandası Türkiyənin 1-ci liqa təmsilçisi "Ərzurumspor"la üz-üzə gəlib.
"Yüksek İrtifa" məşq mərkəzinin stadionunda baş tutan görüş matç "Ərzurumspor"un 4:3 hesablı qələbəsi ilə yekunlaşıb.
"Sumqayıt"ın hər üç qolunun müəllifi estoniyalı yeni transfer Erik Sorqa olub.
Bu, "Sumqayıt"ın Ərzurumdakı 2-ci və sonuncu oyunudur. Komanda ilk görüşündə Superliqa təmsilçisi "Sivasspor"a uduzub - 0:1.
