"Sumqayıt"ın yarımmüdafiəçisi Ronaldo Vaskezin çıxış etdiyi Dominikan millisi yoldaşlıq oyunu keçirib.
Sportinfo.az xəbər verir ki, Puerto Riko ilə keçirilən görüş 2:2 hesabı ilə başa çatıb.
Oyuna ehtiyyatda başlayan Ronaldo 2-ci hissədə meydana daxil olub və 58-ci dəqiqədə, hesab 1:1 olarkən komandasına önə çıxarıb.
Meydan sahibləri yalnız 90+3-cü dəqiqədə vurduğu qol sayəsində məğlubiyyətdən qaça bilib.
Ronaldo Vaskez bu ilin yanvarından "Sumqayıt"da çıxış edir. O, komandada 8 oyunda iştirak edib və qol vura bilməyib.
