.jpg)
Bilindiyi kimi, «Sumqayıt»ın baş məşqçisi Samir Abasov hazırda Azərbaycanda deyil.
«Kimyaçılar» bu gün Premyer Liqanın 32-ci turu çərçivəsində «Qarabağ»ı qəbul edəcək və komanda meydana onsuz çıxacaq.
Bir həftədir İspaniyada - «Barselona»nın düşərgəsində olan mütəxəssis yalnız gələn həftə geri dönəcək.
Təcrübə toplamaq üçün Katoloniyaya səfər edən Abasovu «Qarabağ»la matçda köməkçisi Seymur Rəhimov əvəzləyəcək.
O, bununla bağlı klub funksionerlərinə maraqlı fikir söyləyib: «Mən burada olmayanda komandamız «Qarabağ»a qarşı yaxşı oynayır və qələbə qazanır».
Abasov bunu havadan deməyib. Beş il öncə d İspaniyaya yollanmış məşqçi həmin vaxt Madrid «Atletiko»sunda təcrübə toplamışdı.
Onda Sumqayıta səfər «Qarabağ»ın 1:2 hesablı məğlubiyyəti ilə bitmişdi. Abasov məhz o qarşılaşmanı nəzərdə tutaraq, kollektivi yenidən Rəhimova tapşırıb.
SPORTİNFO.AZ
