.jpg)
Sürpriz nəticələrə imza atmaqla diqqət çəkən “Sumqayıt” mövsümün ikinci yarısına qələbə ilə başladı.
Samir Abasovun rəhbərlik etdiyi kollektiv Qəbələ səfərində yerli komandanı üstələməyi bacardı – 1:0.
Bu qələbədən sonra xalların sayını 30-a yüksəldib ikinci pillədəki “Zirə”yə şərik olan “kimyaçılar”ın sevinməsi anlaşılandır.
Lakin qarşıda onları daha ciddi sınaqlar gözləyir. “Sumqayıt” yanvarın 28-də əsas rəqiblərindən olan “Araz-Naxçıvan”ın qonağı olacaq, fevralın 4-də “Neftçi”ni qəbul edəcək.
Komandanın aparıcı futbolçularından olan İsa Suliman Sportinfo.az-a açıqlamasında sözügedən oyunlarla bağlı danışıb:
“Bizim öz mentalitetimiz, işə yanaşma tərzimiz var. Meydana ayaq basanda heç-heçə, yaxud məğlub olmamaq haqda düşünmürük.
Məqsədimiz hər oyundan 3 xalla ayrılmaqdır. “Araz-Naxçıvan”la “Neftçi” turnir cədvəlində bizə yaxın olan komandalardır.
Mümkün qələbələr vəziyyətimizi xeyli yaxşılaşdıracaq. İstənilən halda yalnız qalibiyyətə fokuslanacağıq”.
HƏBİB
