Premyer Liqanın digər klublarından fərqli olaraq, «Sumqayıt» hələ sükutu pozmayıb.
Mövsümün ikinci bölümünün startına sayılı günlər qalıb, «kimyaçılar» transfer bazarında hərəkətə gəlməyib.
Samir Abasovun xidmətinə maraq göstərdiyi afrikalı hücumçu Azərbaycana gəlməyə razılıq versə də, təzminat üstündə yaranan fikir ayrılığı işi çətinə salıb.
«Gənclik şəhəri» təmsilçisinin izinə düşdüyü forvard Bolqarıstanda legioner həyatı yaşayır.
Məxsus olduğu klub 40 min dollar istəyir. «Sumqayıt»ın güzəşt xahişi bolqarların tükünü də tərpətməyib və məsələ açıq qalıb.
SPORTİNFO.AZ
