.jpg)
“Sumqayıt" təlim-məşq toplanışı keçmək üçün yanvarın 6-da Türkiyəyə yollanıb.
Premyer Liqa təmsilçisi hazırda Antalya şəhərinin Lara bölgəsində hazırlıq keçir.
Klub prezidenti Riad Rəfiyev öncəki illərdən fərqli olaraq, bu dəfə səfərə çıxa bilməyib. Üzrlü səbəbdən.
Belə ki, “kimyaçılar”ın rəhbəri günlər öncə qızılca xəstəliyinə yoluxub. O, hazırda Bakıda müalicə kursu alır.
Komanda yanvarın 17-dək davam edəcək hazırlıq prosesi çərçivəsində iki yoxlama oyununda gücünü sınayacaq.
Samir Abasovun çalışdırdığı kollektiv yanvarın 12-də "Hermanştadt" (Rumıniya), 16-da isə "Soqdiana" (Özbəkistan) klubları ilə üz-üzə gələcək.
SPORTİNFO.AZ
