2023/2024 mövsümü üçün transfer çalışmalarını davam etdirən “Sumqayıt” ilk əcnəbi futbolçu keçidini reallaşdırıb.
“Gənclik şəhəri” təmsilçisi son mövsümü “Lokomotiv”də (Plovdiv) keçirmiş estoniyalı hücumçu Erik Sorqa ilə 1+1 illik müqavilə imzalayıb.
Erik Sorqa karyerası ərzində Estoniyanın “Legion”, “Flora”, ABŞ-ın “Loudoun Yunayted”, “Di Si Yunayted”, Niderlandın “Venlo”, İsveçin “Höteborq” və Bolqarıstanın “Lokomotiv” klublarının şərəfini qoruyub.
24 yaşlı hücumçu Estoniyanın U-16, U-17, U-19, U-21 və əsas yığmalarına da cəlb olunub.
Onun “Sumqayıt”a gəlişi haqdaz ilk xəbər saytımıza məxsusdur. Baltikalı legioner Azərbaycanda ortabab səviyyədə pul qazanacaq.
Sorqanın burada aylıq gəliri 7000-7500 dollar təşkil edəcək.
SPORTİNFO.AZ
