“Bu gün yerli bazarda namizədimiz yoxdur”.
Bu sözləri Sportinfo.az-a açıqlamasında “Sumqayıt”ın baş məşqçisi Samir Abasov deyib.
“Kimyaçılar” ötən ay 3 azərbaycanlı futbolçu ilə güclənib. Bunlar “Zirə”dən Mehdi Cənnətov, “Kəpəz”dən Orxan Sadıqlı və “Qəbələ”dən Rövlan Muradovdur.
“Gənclik şəhəri” təmsilçisinin çalışdırıcısı bildirib ki, o, lazım olanları artıq komandaya götürüb:
“Qeyri-adi nəsə olsa, başqa məsələ. Son anadək gözləmə mövqeyində dayanacağıq.
Rusiyada, Ukraynada olan Azərbaycan əslli oyunçuları gətirmək də çətinləşib. Bir sözlə, hazırda fikrimiz əcnəbi oyunçulardadır".
